Խախտե՛նք լռությունը !!! Ոչինչ հավերժ չէ ...

 Գրեթե մեկ ամիս է ՝ ինձ համոզում եմ ինչ-որ նյութ գրել ... Չեմ ասում հաճելի չէ , ուղղակի դասերն այնքան են զբաղեցնում ուղեղս , որ ուրիշ բանի , առավել ևս բլոգի մասին մտածել չի լինում ... Բայց այսպես  , իհարկե , երկար շարունակվել չէր կարող : Եվ ինձ , իհարկե , օգնեց իմ սիրելի  Maroon 5-ը : Nothing lasts forever !!!!  Ոչ միայն հիասքանչ երգ , այլև հիասքանչ խորհուրդ , որ երբեք ոչինչ հավերժ չի ապրի և լռությունն էլ հավերժ չէ ... Խախտե՛նք լռությունը...
 Իսկ ինչն է հավերժ ??? Ո՛չ  !  Ոչինչ էլ հավերժ չէ . ո՛չ մարդիկ են հավերժ , ո՛չ մեր շրջապատն է հավերժ : Թումանյանն ասում էր  .
 "Գործն է անմահ, լա՛վ իմացեք,
Որ խոսվում է դարեդար,
Երնե՜կ նըրան, որ իր գործով
Կապրի անվերջ, անդադար։"

 Անշուշտ , նրա հետ չհամաձայնելը մեծագույն հանցագործություն կլինի : Չեմ էլ փորձի չհամաձայնել  ... Հավերժ են մարդու մտքերը , այն մտքերը  , որոնք գրելիս գրողը միգուցե չի էլ գիտակցել դրանց լրջությունը , բայց որոնք մեծագույն կերպով ապացուցում են մարդու հավերժությունը ...

Շատ մարդկանց մտքեր էլ  հավերժանում  են  այդպես էլ  կորցնելով իրենց տերերին , մոռացության մատնելով այն մարդուն , ով  հանճարեց այդ միտքը ... Սակայն շատ մարդկանց մտքեր էլ հավերժ մնում են հենց իրենց անուններով .. Հենց Թումանյանի վերոբերյալ միտքն էլ այն արտահայտություններից է , որ կարելի է հավերժ ասել և երբեք չսխալվել հեղինակի հարցում ....
Հավերժություն գոյություն չունի  :)  Հավերժությունը ստեղծվում է հենց մեր ձեռքով , մեր մտքով ու մեր սրտով  ☺
 Այո՛ , այո՛ ..
Միգուցե մի օր ես կամ Դուք էլ հավերժանանք : Միգուցե ստեղծեմ Հակի թեորեմը ???
 Կամ ասեմ բառեր , որոնք հարազատ ու ընդունելի կլինեն բոլորի կողմից և սերնդեսերունդ փոխանցվելով ՝ կդառնան հավերժ ??? Եկե՛ք չբացառենք ոչինչ  :)  Ուղղակի ապրենք այնպես , որ  և՛ մենք հաճույք ստանանք մեր ապրած կյանքից , և՛ ուրիշները ... Իսկ հավերժությունը կսպասի ...  Միգուցե պարզապես հանգիստ , թեթև և իմաստալից կյանքով ավելի շուտ հասնենք նրան , ինչ երազում ենք  ^_^ ???