Իմ կյանքը` ՖՈՒՏԲՈԼԸ ` Ռեալ Մադրիդը....

Արդեն , ինչպես երեկ նշեցի , 4 ամիս է , ինչ գոյություն ունի այս բլոգը , սակայն այս 4 ամիսների ընթացքում ես չեմ անդրադարձել իմ ամենակարևոր նախասիրությանը ` ՖՈՒՏԲՈԼԻՆ: Անգամներ են լինում , երբ ֆուտբոլն ինձ համար դառնում է ապրելակերպ: Oրվա 24 ժամը ինձ համար ուղղակիորեն ֆուտբոլ է լինում : Ամեն երկրորդ բառս ֆուտբոլին է վերբերում: Միգուցե շատերն ինձ դատափետեն ` ասելով , որ ես աղջիկ եմ և հարկավոր չէ դարձնել ֆուտբոլը ապրելակերպ: Սակայն պիտի հակառակվեմ և ասեմ , որ կարևոր չէ , թե որ սեռի ներկայացուցիչն է երկրպագում , այլ կարևոր է ընդամենը մի բան , որ բոլորը թե տղա , թե աղջիկ միավորվում են մի " փիլիսոփայության " շուրջ ` ՖՈՒՏԲՈԼԻ: Եվ ինչպես ցանկացած ֆուտբոլասեր ունեմ իմ ամենասիրելի թիմը ` ՌԵԱԼ ՄԱԴՐԻԴ-ը:  Ինձ համար Ռեալը ուղղակի թիմ չէ , ինչպես և շատերի համար: Ես չեմ կարող չդիտել որևէ հանդիպում , որը խաղում է Ռեալը: Իսկ , եթե չեմ դիտում , ապա ողբերգության է ինձ մոտ վերածվում: Բայց ամենակարևորը , եթե չեմ դիտում , քնելուց առաջ , երբ ուզում եմ փակել աչքերս` ասում եմ " Տղերք ջան , անպայման հաղթել , մինիմում 10-0": Ես շատ եմ ուրախանում և հպարտանում , երբ ՌԵԱԼն հաղթում է : Շատ հաճախ առաջանում է հպարտության զգացում : Հպարտություն , որը երևի թե զգում են ծնողները , երբ իրենց երեխաներն հասնում են որոշակի բարձունքների:

 Ես չեմ հիշում , թե ինչպես որոշեցի դառնալ Ռեալի երկրպագու: Նույն հաջողությամբ (ԱՆհաջողությամբ , առանց վիրավորանքների ) ես կարող էի լինել Բարսայի երկրպագու: Սակայն մի կախարդական ուժ ինձ ստիպեց , որ ես սիրեմ Ռեալը ողջ հոգով: Ռեալ Մադրիդի նույնիսկ փոքրիկ  նշանը ինձ ուժ է տալիս: Նայելով նրանց խաղին ` ավելի ու ավելի եմ ուզում հասնել իմ բոլոր նպատակներին: Հաճախ Ռեալը դառնում է ուղղակի իմ կյանքի իմաստը: Գիտեմ , որ սխալ եմ , բայց ինչ արած այսպիսին եմ: Բայց ամենահետաքրքիրը այն վիճակն է , որը տիրում է ինձ մոտ խաղից առաջ և խաղի ընթացքում: Խաղից առաջ սիրտս աննկարագրելի արագությամբ է աշխատում:  Խաղի ընթացքում` գոլի սպասումը ուղղակի հնարավոր չէ նկարագրել ու պատկերել:  Իսկ այն խաղերին , որոնք ավելի կարևոր նշանակություն ունեն , չգիտեմ ինչ է կատարվում: Երևի թե յուրաքանչյուր ՌԵԱԼիստ և ոչ միայն ՌԵԱԼիստ , այլ նաև ֆուտբոլասեր հասկանում է , թե ես ինչ նկատի ունեմ:
 Ահա այսքանը: Հուսամ , որ մայրիկս ինձ թույլ կտա դիտել ուշ գիշերային խաղերը `այսքան խոսելուց հետո :Դ