Բողոք ( Կյանքը հիասքանչ է երաժշտությամբ ^_^ ♥)

 Ամեն անգամ , երբ դիտում եմ որևէ հաղորդում եմր հայկական հեռուստաալիքներով ՝ գնալով համոզվում եմ , որ ինչպես մեր երկրի ղեկավարությունն է չես հասկանում ՝ ինչպես մտածում , այնպեսէլ մեր ՝ հայերիս մտքերն են վերածվել  անիմաստ հեղուկի ... Մեր մտքերն այլևս չեն աշխատում  ոչ մի առումով :
 Իսկ ինչու՞ սկսեցի այս ամենից խոսել :  Ասեմ ... Երեկ դիտում էի  " X factor "-ը : Նույն ժամին թե՛ Հայաստանում , թե՛ Ռուսաստանում  նույն նախագիծն էր  , նույնիսկ մտքերը երազանքների մասին , ամեն բան նույնն էր ... Ուրիշ էր միայն մտածելակերպը : Չեմ բողոքում հայերի երգերից , երգելուց, ճաշակից և այլն ... Այդ առումով ավելի շատ կդժգոհեմ ռուսներից ... Բայց ռուսները մի շատ կարևոր բան էին նկատում   ( կամ էլ իմ  մտածելակերպն է ռուսներին հարում ) ... Նրանք գնահատում են ոչ թե ճիշտ նոտաները , տոնայնությունը և երգի լավ կամ վատ լինելը  ... Ո՛չ .. Նրանք գնահատում են երգը կատարելու զգացմունքայնությունը: Գնահատում են այն , թե ինչպես  երգիչը զգաց նոտան , այլ ոչ թե ճիշտ կամ սխալ վերցրեց այն : Չեմ ասում , թե հարկավոր չէ խոսել վոկալից : Ամենևին , բայց սա առաջին հերթին  հեռուստանախագիծ է , հետո նոր երաժշտության վոկալային մրցույթ ...  Ըստ իս , ավելի լավ է 10 սխալ նոտա երգել , բայց իսկապես ապրել և ապրեցնել ուրիշներին այդ երաժշտությամբ , քան բոլոր նոտաները ճիշտ երգել , բայց  ունենալ ընդամենը մեկ զգացում , որ հատուկ է տախտակին կամ սալահատակին ...
 Մեր "երաժշտարվեստը" առանց դրա էլ լի է տախտակներով , փայտերով ու մետաղներով >_< ...
 Եկե՛ք  գնահատենք այն , ինչը իսկապես մնայուն է ... Ոչ ոք չի հիշի ճիշտ նոտան , իսկ  սրտանց երգը կհիշեն դեռ երկար ժամանակ ...
Մեկ պատճառ ևս ասեմ , որ անդրադարձա այս խնդրին ... Իմ խոսքը վերաբերում էր ոչ միայն Իքս Ֆակտորին կամ հայակական որևէ այլ երաժշտական նախագծի , իմ ասածը վերաբերում էր  ուղղակի երաժշտությանը ...
ԵՐԱԺՇՏՈՒԹՅՈՒՆԸ ԳԵՂԵՑԻԿ Է ՄՏՔՈՎ ,
ԵՐԱԺՇՏՈՒԹՅՈՒՆԸ ԾՆՎՈՒՄ Է ՆՈՏԱՆԵՐՈՎ ,
ԵՐԱԺՇՏՈՒԹՅՈՒՆԸ ԱՊՐՈՒՄ ԵՆ  ՍՐՏՈՎ   ...
 Հայ երաժշտարվեստը ունի բազում փայլուն ապացույցներ  , թե ինչպիսին պիտի լինի իսկական երգը ; Եվ դրանք իսկապես մինչ օրս պահպանվում են , հիշվում և սիրվում , իսկ  անհեթեթ հեղուկները  անընդհատ լցվում ու դատարկվում են  մեր  երաժշտության  ծակ բաժակից ...